تحشيش على الحصة التموينية

صار كومة سنين ناكل بالطحين
وهسة كشفوهة الجماعة من جديد
فحصو الوزنة وطلع بيهة حديد
يعني اذا كل وزنة طلع بيهة كيلوين
الحديد انطبع بضلوعي طبع
وانت اذا تحسبهة بحساب الدقيق
يعني ماكل هسة شباك وربع
صار وضع الخبزة جدا مو مريح
الخبزة بس نلزكهة تتخربط تطيح
ادري بالله نكوم نرجع للشوردة
لو الخبزة نكوم نلزكهة بأمير
اني خايف بالشكر تطلع براغي
ونفحص التمن وتطلع وايرات
اسبانة عشرة اخاف الكة بالحليب
وبالعدس تطلعلي كومة وايرات
اخاف بالصابونة تطلعلي دكم
وباستكان الجاي تطلع ماسحات
هاي مو حصة انلعب بيهة فلك
اخاف حصتنة الجديدة نستلمهة من السنك!!!!!!!!!!!!